თქვენ არ შეიძლება სიცოცხლის ბოლომდე გყავდეთ დაცვა მხოლოდ იმიტომ, რომ მთავრობაზე მუშაობთ, – მიმართა დონალდ ტრამპმა ალერგიისა და ინფექციურ დაავადებათა ინსტიტუტის ყოფილ ხელმძღვანელს, ენტონი ფაუჩის, რომელსაც დაცვა მოუხსნა.
ფაუჩი კოვიდ პანდემიის დროს შესრულებული საჯარო როლის გამო საფრთხის წინაშე დგას, რის გამოც მას სახელმწიფო დაცვა ჰყავდა დანიშნული. მან კერძო დაცვა უკვე დაიქირავა.
მანამდე თეთრი სახლის ლიდერმა დაცვა თავისი კაბინეტის ყოფილ სახელმწიფო მდივანს, მაიკ პომპეოს და უსაფრთხოების საკითხებში ყოფილ მრჩეველს, ჯონ ბოლტონს მოუხსნა.
ტრამპის თქმით, ეს ადამიანები ბევრ ფულს შოულობენ და შეუძლიათ დაცვა თვითონ დაიქირაონ.
ცნობისთვის, ჯო ბაიდენმა წინასწარ შეიწყალა აშშ-ის შეიარაღებული ძალების მეთაურთა გაერთიანებული კომიტეტის ყოფილი ხელმძღვანელი მარკ მილი, ალერგიული და ინფექციური დაავადებების ეროვნული ცენტრის ყოფილი ხელმძღვანელი ენტონი ფაუჩი და კონგრესის წარმომადგენელთა პალატის სპეციალური კომიტეტის წევრები, რომლებიც 2021 წლის 6 იანვარს კაპიტოლიუმზე შტურმის საქმეს იძიებდნენ.