თურქეთში ოთხსართულიანი საცხოვრებელი კორპუსი ჩამოინგრა, დაშავებულია, სულ მცირე, სამი ადამიანი. ინფორმაციას ამის შესახებ „ევრონიუსი“ ავრცელებს.
მედიის ცნობით, შემთხვევა თურქეთის ქალაქ კონიაში, სელჩუკლუს რაიონში მოხდა.
მაშველებმა შენობაში მყოფი ხუთი ადამიანიდან სამის გამოყვანა მოახერხეს. დაშავებულები საავადმყოფოში არიან გადაყვანილი.
როგორც მედია წერს, შენობაში მყოფი ხუთი ადამიანი ოჯახის წევრები არიან. ადგილზე სამძებრო-სამაშველო ოპერაცია მიმდინარეობს.
მედიის ცნობით, ნგრევის გამომწვევი მიზეზი ჯერჯერობით უცნობია, თუმცა გამოძიების ფარგლებში ოთხი ადამიანი დააკავეს.
კომენტარები