ექვსთვიანი ტაიმაუტი დასრულებულია. დავით უსუფაშვილი პოლიტიკას უბრუნდება. მომავალ გეგმებზე პარლამენტის ყოფილი თავმჯდომარე პირველად ვრცლად ,,მოამბესთან” საუბრობს.
მომდევნო კვირას პოლიტიკურ ასპარეზზე კიდევ ერთი გაერთიანება გამოჩნდება ახალი და ძველი სახეებით. მათ შორის იქნებიან ,,რესპუბლიკური პარტიის” ყოფილი წევრებიც.
,,მოამბის” ინფორმაციით, კონსულტაციები მიმდინარეობს არასამთავრობო სექტორის რამდენიმე წარმომადგენელთანაც. ახალ მოძრაობაში გაწევრიანების შეთავაზება მიიღო ,,ფორბსის” რედაქტორმა გიორგი ისაკაძემაც.
უკვე ცნობილია, რომ ,,რესპუბლიკელების” ყოფილი თავმჯდომარის გუნდი საპარლამენტო და თვითმმართველობის მოახლოებულ არჩევნებში მიიღებს მონაწილეობას და თბილისის მერობის საკუთარ კანდიდატსაც წარადგენს.
არ არის გამორიცხული, რომ პოლიტიკურთან ერთად, დავით უსუფაშვილი სატელევიზიო საქმიანობითაც დაკავდეს.