იმედს გამოვთქვამთ, რომ უკრაინის პრეზიდენტი საქართველოს ესტუმრება, – ამის შესახებ საგარეო საქმეთა მინისტრმა მიხეილ ჯანელიძემ უკრაინელ კოლეგასთან გამართულ ერთობლივ პრესკონფერენციაზე განაცხადა.
“იმედს გამოვთქვამთ, რომ უკრაინის პრეზიდენტი ესტუმრება საქართველოს. ამისთვის შესაბამის მოსამზადებელ სამუშაოებს განვახორციელებთ და, ასევე, მივესალმებით საპარლამენტთაშორისო თანამშრომლობას და ვიზიტებს, რომლებიც დაგეგმილია. ჩვენ გვინდა, რომ ეს ინტენსიური ურთიერთობები იყოს კონკრეტული შედეგის მომტანი და შეხვედრის დროს სწორედ ამაზე ვიმსჯელეთ”, – განაცხადა ჯანელიძემ და იმედი გამოთქვა, რომ მას მალე ექნება შესაძლებლობა, ეწვიოს კიევს.
კომენტარები