ამერიკის შეერთებული შტატების საერთაშორისო განვითარების სააგენტოს, USIAD-ის ოფიციალური ვებგვერდები მიუწვდომელია. ამბავი, რომ ვებგვერდები გაჩერდა, პირველად CNN-მა გაავრცელა. მანამდე ცნობილი გახდა დონალდ ტრამპის ადმინისტრაციის პოზიცია, რომ გეგმავს სააგენტო სახელმწიფო დეპარტამენტმა გააკონტროლოს, – განაცხადა „იმედის კვირის“ ეთერში ირაკლი ჩიხლაძემ.
ტელეკომპანია „იმედის“ გენერალური დირექტორის მოადგილის თქმით, ამერიკის 47-ე პრეზიდენტის ინაუგურაციიდან რამდენიმე წუთში, შტატებიდან დაფინანსებული არასამთავრობო ორგანიზაციების თუ პროგრამების ხელმძღვანელები სრულ პანიკაში ჩავარდნენ, რადგან ახალმა ადმინისტრაციამ მათი და მათი დამფინანსებლის საქმიანობის სრულად გამჭვირვალობა მოითხოვა.
„ფაქტია, რადიკალური მიზნების ჩასახშობად, მთელი მსოფლიოს მასშტაბით, მათ შორის, საქართველოში ვაშინგტონმა ფინანსური წყარო გადაკეტა. მხოლოდ ჩვენი ქვეყნის მაგალითზე საუბარია ასეულობით მილიონზე. ერთ-ერთი ასეთია სამოქალაქო საზოგადოების ჩართულობის პროგრამა – ხუთწლიანი ინიციატივა, რომელსაც USIAD-ის დაფინანსებით, „აღმოსავლეთ-დასავლეთის მართვის ინსტიტუტი“ ახორციელებს. პროგრამის ბიუჯეტი 17 მილიონი დოლარია. ასეთი პროექტების მენეჯერები საქართველოში რომ პანიკაში არიან, ამას ადასტურებს შიდა საუბრების შინაარსი, რომელიც „იმედის კვირისთვის“ ექსკლუზიურად გახდა ცნობილი.
ჩვენი წყაროს ინფორმაციით, ამ პროგრამის ხელმძღვანელი უკმაყოფილოა, რომ პროექტის ფარგლებში ერთი თეთრის გადარიცხვაც კი აეკრძალა. იგი ესაუბრება კოლეგას და უხსნის, რომ დავალებებს აძლევენ (აქ სავარაუდოდ, „დიფ სთეითი“ იგულისხმება), მაგრამ ფულის გამოყენების უფლება შეეზღუდა, რაზეც კოლეგა პასუხს, რომ ამიტომ ეზიზღება მასკიც და ეზიზღება ტრამპიც.
რა თქმა უნდა, ამ დიალოგის და წყაროს მონათხრობის გადამოწმება და დაზუსტება ვცადეთ უშუალოდ ადრესატთან, ქალბატონ თამარ ქაროსანიძესთან, რომელიც ჩვენთვის მიუწვდომელია. მეილი, მოკლე ტექსტური შეტყობინება, პირად ტელეფონზე, შეხვედრის სურვილით ოფისში სტუმრობა და საცხოვრებელ მისამართზე მისვლა – რამდენიმედღიანი მცდელობა, სამწუხაროდ, უშედეგოდ დასრულდა. არადა, ქალბატონ თამარს, ჰქონდა, შესაძლებლობა, ყველაზე დიდი აუდიტორიისთვის ეთქვა მისი სათქმელი, მისი სიმართლე, თუნდაც ერთ კონკრეტულ პროგრამაზე მაინც“, – განაცხადა ირაკლი ჩიხლაძემ.
სანდრო გამსახურდიას სპეციალური რეპორტაჟი USIAD-ის პროექტებზე, იმის შესახებ, თუ რეალურად რას ხმარდება დემოკრატიის საფარქვეშ შემოსული მილიონები.