ვაშინგტონი 30 დღით შეაჩერებს კანადური საქონლის იმპორტზე ტარიფების დაწესებას. ამის შესახებ კანადის პრემიერ-მინისტრმა, ჯასტინ ტრუდომ განაცხადა მას შემდეგ, რაც აშშ-ის პრეზიდენტთან, დონალდ ტრამპთან სატელეფონოსაუბარი გამართა.
ამერიკელმა ლიდერმა ორშაბათს აღნიშნა, რომ ოტავას შეუძლია თავიდან აიცილოს ეს შეზღუდვები, თუ მხარეებს შორის შეთანხმება მიიღწევა.
„შემოთავაზებული ტარიფები, სულ მცირე, 30 დღით შეჩერდება, სანამ ჩვენ ვიმუშავებთ ერთობლივად“, – აღნიშნულია განცხადებაში.
ტრუდომ ასევე განაცხადა, რომ კანადა ნარკოკარტელებს ტერორისტულ ორგანიზაციებად აღიარებს, ჩრდილოეთ საზღვარზე მონიტორინგს უზრუნველყოფს და აშშ-თან ერთად ერთობლივ დანაყოფს შექმნის, რომელიც ორგანიზებულ დანაშაულს, ნარკოტრაფიკსა და ფულის გათეთრებას ებრძოლება.
კომენტარები