ყველაზე კარგი მაგალითი, რომელიც შეგვიძლია, ფინანსების გამჭვირვალობის კუთხით გადმოვიტანოთ საქართველოში, ეს არის „ფარა“, მისი ზუსტი თარგმანი და ანალოგი, – განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა, გიორგი ჩაკვეტაძემ საერთაშორისო ორგანიზაციების დაფინანსებით საქართველოში შემოსული თანხის გამჭვირვალობაზე საუბრისას.
მან გასულ წელს გამჭვირვალობის კანონის მიღების პროცესიც გაიხსენა.
„2024 წელს ჩვენ უკვე მივიღეთ გამჭვირვალობის ქართული კანონი და წელს არის აუცილებლობა, რადგანაც გეოპოლიტიკური ვითარება ასე შეიცვალა და გარკვეული პოზიტიური ცვლილებებია. ყველაზე კარგი მაგალითი, რომელიც შეგვიძლია, ფინანსების გამჭვირვალობის კუთხით გადმოვიტანოთ საქართველოში, ეს არის „ფარა“, მისი ზუსტი თარგმანი და ანალოგი. ასე, რომ ეს არის გადაწყვეტილება, რომელიც საპარლამენტო უმრავლესობამ მიიღო“, – განაცხადა ჩაკვეტაძემ.