აქ ლაპარაკი აღარ არის პარტიის წინააღმდეგ ბრძოლაზე, არამედ საუბარია სახელმწიფოს წინააღმდეგ მიმართულ ქმედებებზე, ჩვენ ვთხოვდით პროკურატურას, რომ ამაში გარკვეულიყვნენ, – განაცხადა „ერთიანი ნეიტრალური საქართველოს“ ერთ-ერთმა დამფუძნებელმა, ადვოკატმა, გელა ნიკოლაიშვილმა, რითაც გამოეხმაურა პროკურატურის ინფორმაციას, რომ „ერთიანი ნეიტრალური საქართველოს“ განცხადების საფუძველზე, უწყებამ გამოძიება დაიწყო.
„ჩვენ ზოგადი განცხადება გვაქვს შეტანილი, რომ მათ დაეწყოთ გამოძიება იმ ფაქტთან დაკავშირებით, რომ მოყოლებული სააკაშვილის მმართველობიდან ეს ადამიანები რამდენად იყვნენ დაკავშირებული კრიმინალურ ძალებთან და შემდეგ გაგრძელება ახალი ხელისუფლების პერიოდში, რა დროსაც იყო საბოტაჟი, მოწოდებები ძალადობრივი დამხობისკენ და ა.შ. აქ ლაპარაკი აღარ არის პარტიის წინააღმდეგ ბრძოლაზე, არამედ საუბარია სახელმწიფოს წინააღმდეგ მიმართულ ქმედებებზე. ჩვენ ვთხოვდით პროკურატურას, რომ ამაში გარკვეულიყვნენ.
„ერთიანი ნეიტრალური საქართველოს“ განცხადების საფუძველზე, გენერალურმა პროკურატურამ საბოტაჟის დამამძიმებელ გარემოებაში, საბოტაჟის მცდელობის და საქართველოს სახელმწიფო ინტერესების ხელყოფის მიზნით, უცხოეთის ორგანიზაციისა და უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარების ფაქტებზე, გამოძიება დაიწყო.