კანადის ქალაქ ტორონტოს აეროპორტში დაშვებისას ასაფრენ-დასაფრენ ზოლზე ამერიკული ავიაკომპანია Delta Air Lines-ის კუთვნილი თვითმფრინავი ამოტრიალდა, რა დროსაც 18 ადამიანი დაშავდა. ინფორმაციას Reuters-ი ავრცელებს.
Bombardier-ის ტიპის თვითმფრინავი ამერიკულ ქალაქ მინეაპოლისიდან ტორონტოში მიფრინავდა. წინასწარი ინფორმაციით, ავიაინციდენტის მიზეზი ქარბუქი სახელდება.
ინციდენტის დროს თვითმფრინავის ბორტზე 80 ადამიანი იმყოფებოდა. დაშავებულებიდან სამი კრიტიკულ მდგომარეობაშია, მათ შორის ერთი ბავშვი.
სააგენტოს მტკიცებით, კანადის ხელისუფლებამ უკვე დაიწყო გამოძიება.
კომენტარები