ეროვნული უსაფრთხოების საკითხებში აშშ-ის პრეზიდენტის მრჩეველმა, მაიკ უოლცმა განაცხადა, რომ პრეზიდენტი ტრამპი აშკარად ძალიან იმედგაცრუებულია პრეზიდენტ ზელენსკით. ინფორმაციას ამის შესახებ ბრიტანული გამოცემა The Guardian-ი ავრცელებს.
„პრეზიდენტი ტრამპი აშკარად ძალიან იმედგაცრუებულია პრეზიდენტ ზელენსკით. ის ფაქტი, რომ ის არ დაჯდა [მოლაპარაკებების] მაგიდასთან და არ სურდა გამოეყენებინა ეს შესაძლებლობა, რომელიც ჩვენ შევთავაზეთ… ვფიქრობ, ის საბოლოოდ მივა ამ წერტილამდე და ვიმედოვნებ, რომ ეს ძალიან სწრაფად მოხდება“, – აღნიშნა თეთრი სახლის მაღალჩინოსანმა.
„პრეზიდენტი ტრამპი, როგორც ჩვენ მკაფიოდ განვუმარტეთ ჩვენს რუს კოლეგებს და მინდა დღესაც განვმარტო, კონცენტრირებულია საბრძოლო მოქმედებების შეჩერებასა და წინსვლაზე, ხოლო იმის შესახებ, რაც წარსულში მოხდა, შეგვიძლია მთელი დღე ვიდავოთ“, – აღნიშნა მან.
მან ხაზგასმით აღნიშნა, რომ უკრაინამ უნდა გამოხატოს ღრმა მადლიერება იმის მიმართ, რაც ამერიკელმა ხალხმა გააკეთა მათთვის.
„რიტორიკა და დონალდ ტრამპისადმი შეურაცხყოფა მიუღებელი იყო“, – დასძინა მან.