სამი წლის თავზე ყველამ კარგად ნახა, რომ ეს სპექტაკლები უნდა დამთავრდეს, – განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა უკრაინის ომზე საუბრისას.
„სპექტაკლები, რომელსაც უწყობდნენ საზოგადოებას და რომლის მეშვეობითაც სამი წლის თავზე ჩვენ მივიღეთ სამწუხაროდ ის, რომ უკრაინაში არის დაღუპული ასი ათასობით ადამიანი, ლტოლვილი მილიონობით ადამიანი, განადგურებული ინფრასტრუქტურა და დაკარგული ტერიტორიები.
იმედი გვაქვს ჩვენ, რომ სწორედ შეერთებული შტატების დიდი როლის შესრულებით უკრაინაში მშვიდობა აღდგება“, -აღნიშნა მაჭარაშვილმა.
რუსეთ – უკრაინის ომიდან სამი წლის შემდეგ, ყველა ფაქტი მიუთითებს საქართველოს ხელისუფლების სწორ მოქმედებაზე. ქვეყანაში თუ გარედან, ყველა საქართველოს ომში ჩართვისკენ მოუწოდებდა, თუმცა „ქართულმა ოცნებამ“ მითითებები არ შეასრულა.