“ზურაბ ჯაფარიძის ღირებულება ნულია”, – ამის შესახებ საქართველოს პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა.
ამასთან, მან „გირჩი-მეტი თავისუფლების“ ლიდერ ზურაბ ჯაფარიძის პოსტი შეაფასა, სადაც ჯაფარიძე აღნიშნავს: „დროის გასვლასთან ერთად, ქვეყანაში დარჩება ბრძოლის სულ უფრო ნაკლები რესურსი, დრო ჩვენზე არ მუშაობს და ამიტომ რუსთაველი ყოველდღე არის უმნიშვნელოვანესი“.
„ჩახდილ ჯაფარიძეზე მეკითხებით? „გირჩელებმა“ ჯაფარიძე საკუთარი პარტიიდან გააგდეს, რადგან უთავმოყვარეო და უპრინციპოა. უსამშობლოების გაერთიანება სადაც არის, იქ დადის. ბალტიისპირეთის ხელისუფლებაში ჯერ კიდევ არიან, ვინც გლობალური ომის პარტიას ემსახურება, მათთან სიები დააქვს, ვინ დაასანქცირონ საქართველოდან, ვინც მათ სიგიჟეებს არ იზიარებს. ის აქამდეც ამით იყო დაკავებული და ახლაც, რა უნდა გვიკვირდეს. ჯაფარიძე არის ხელმოცარული, უსამშობლო ადამიანი. საკუთარი პარტიიდან რომ გაგაგდებენ, რა უნდა თქვა? რაც მაგან „გირჩის“ შექმნაზე იშრომა, რაზე უნდა ვისაუბროთ? მისი ღირებულება ნულია, ირბინოს და იყოს. მასეთებს ქართველ ხალხთან სალაპარაკო არ აქვს. ამერიკიდან დაფინანსება შეუჩერდათ და ახლა ესტონეთის ფინანსურ დახმარებაზე დასხდნენ. მათი მცდელობა იქნება, ჩვენ წინააღმდეგ სანქციების დაწესების, გაშავების და ა.შ. აქამდეც ქვეყნის გაშავებით იყვნენ დაკავებული. მათ საქართველო და ქართველი ხალხი არასოდეს აინტერესებთ, ყოველთვის უცხო ქვეყნის დაკვეთის მოლოდინში იყვნენ“, – განაცხადა ზარქუამ.