პარლამენტის საგარეო ურთიერთობათა კომიტეტის თავმჯდომარის მოადგილე მარიამ ლაშხი ე.წ. უფლებადამცველის მხრიდან მაკა ბოჭორიშვილის შეურაცხმყოფელ პოსტს ეხმიანება და აღნიშნავს, რომ აგრესიული და ზიზღის ენის რიტორიკა პირველ რიგში ეწინააღმდეგება ქალთა უფლებების დაცვის ძირითად პრინციპებს.
„ის აგრესიული და ზიზღის ენის რიტორიკა ეწინააღმდეგება პირველ რიგში ქალთა უფლებების დაცვის ძირითად პრინციპებს და განსაკუთრებით, როდესაც ეს ხდება ე.წ. უფლებადამცველის მხრიდან. ასევე, გასათვალისწინებელია ისიც, რომ მსგავსი რიტორიკა ახალგაზრდა ქალბატონებს და გოგონებს უკარგავს პოლიტიკაში მონაწილეობის სურვილს და ესეც დასაგმობია. იმედი მაქვს და მოლოდინი მაქვს, რომ ქალბატონი ელჩიც დაგმობს ამ პოსტს”, – განაცხადა ლაშხმა.
ე.წ. უფლებადამცველი საგარეო საქმეთა მინისტრს შეურაცხყოფას აყენებს. პარალელურად კი საფრანგეთის ელჩს მასპინძლობს. ბაია პატარაიას მიერ საქართველოს პირველი დიპლომატის საჯაროდ ლანძღვა რატომღაც დიპლომატის ყურადღების მიღმა დარჩა. ისევე, როგორც ფრანგი მინისტრის ქართულ პოლიტიკაში ჩარევა.