დავით კირკიტაძე არ პასუხობს „ქრონიკის“ კითხვას, რატომ შეიძინა „ნაციონალური მოძრაობის“ სათავო ოფისის შენობა.
„ნაცმოძრაობა გააკეთებს ამაზე განცხადებას”, – განუცხადა სატელეფონო საუბრისას „ქრონიკას“ დავით კირკიტაძემ, რომელიც შენობის ახალი მფლობელი კომპანიის – „ევ დისტრიბუშენის“ დირექტორია. ხოლო კითხვა, რა ინტერესი ჰქონდა მას, კირკიტაძემ უპასუხოდ დატოვა.
თავად პარტიის განცხადებაში კი აღნიშნულია, რომ ფინანსური რესურსის მობილიზება სასიცოცხლოდ მნიშვნელოვანია პარტიის ფუნქციონირებისთვის. თუმცა, არაფერია ნათქვამი, რა ფასად გაყიდეს შენობა.
საკითხს ფეისბუქ პოსტით გამოეხმაურა „ნაციონალური მოძრაობის“ წევრი ლაშა ფარულავა. დაწერა რომ ეს თემა, არც პარტიის აქტივთან განხილულა და არც პოლიტსაბჭოს წევრებთან, რაც საწყენია.
როგორც ცნობილია, „ნაციონალური მოძრაობის“ მთავარი შენობა გაიყიდა. საჯარო რეესტრის მონაცემებით, შენობა 3 მილიონ 200 ათასი ლარად გაყიდეს. შენობის ახალი მფლობელი კომპანია „ევ დისტრიბუშენია“, რომლის დირექტორიც „ნაციონალური მოძრაობის“ სახე დავით კირკიტაძეა.