ბელგრადში ავტომობილი საპროტესტო აქციის დროს ხალხში შევარდა. სამი ადამიანი მსუბუქი დაზიანებებით საავადმყოფოშია გადაყვანილი.
როგორც სერბული მედია წერს, მძღოლმა გაქცევა სცადა, თუმცა პოლიციამ დააკავა. დაკავებისას მან სამართალდამცავებს წინააღმდეგობა გაუწია.
სოცალურ ქსელებში მომხდარის ვიდეოკადრები ვრცელდება. მათზე ასახულია, როგორ ეჯახება მანქანა ხალხს, როდესაც ისინი ქუჩაში გადაადგილდებიან.
სერბეთში მასობრივი საპროტესტო აქციები 2024 წლის შემოდგომიდან გრძელდება. დემონსტრაციები დაიწყო ნოვი სადში მომხდარი ტრაგედიის შემდეგ, სადაც რკინიგზის სადგურის ბეტონის სახურავის ჩამოშლას 15 ადამიანი ემსხვერპლა.
აქციის მონაწილეები დამნაშავეების დასჯას და ქვეყნის ხელისუფლების, მათ შორის პრეზიდენტ ალექსანდრ ვუჩიჩის გადადგომას მოითხოვენ.
საპროტესტო აქციების ფონზე 2025 წლის იანვარში სერბეთის პრემიერ-მინისტრმა, მილოშ ვუჩევიჩმა თანამდებობა დატოვა.