ჩვენვე თუ უნდა გვეზრუნა მწამებლების, ბიუჯეტის ქურდებისა და ბიზნესის დამტერორებლების ესთეტიკურ პროცედურებზეც კი, მაინც არ მეგონა – საქმე გვქონდა ნამდვილად საკუთარი ხალხის დაცინვის უპრეცედენტო მასშტაბთან, – განაცხადა „იმედის კვირის“ ეთერში გადაცემის წამყვანმა, ირაკლი ჩიხლაძემ.
ტელეკომპანია „იმედის“ გენერალური დირექტორის მოადგილემ სააკაშვილის მმართველობის 9 წელი შეაჯამა, რომლის დროსაც ექსპრეზიდენტმა ბიუჯეტიდან 9 მლნ ლარი გაფლანგა.
„9 წელი 9 მილიონის გაფლანგვისთვის – როგორი არ უნდა იყოს ხელისუფალი. ამ თემით გავხსნი დღევანდელ ეთერს და მოგიყვებით მიხეილ სააკაშვილის მიერ ბიუჯეტიდან მოპარულ მილიონებზე. რა თქმა უნდა, ის არ ნანობს, არ აღიარებს და ბრალს პოლიტიკურ შურისძიებას უწოდებს, მაგრამ ფაქტი სახეზეა – სააკაშვილმა პირადი კომფორტის და ფუფუნებისთვის გაძარცვა ქვეყანა, რომლის პრეზიდენტიც იყო“, – აღნიშნა გადაცემის წამყვანმა.
რა თანხებს ხარჯავდა სახელმწიფო ბიუჯეტიდან პრეზიდენტის პოსტზე ყოფნის დროს მიხეილ სააკაშვილი პირადი, ახლო გარემოცვის, ფავორიტი ქალების კომფორტისთვის, ფუფუნებისა და ძვირადღირებული საჩუქრებისთვის – პრეზიდენტი რომელიც გვძარცვავდა.
მტკიცებულებით გამყარებულ ელიტური კორუფციის არნახული მასშტაბი ცოტნე გეგეჭკორი სპეციალურ რეპორტაჟში.
