სალომე ზურაბიშვილი როცა საპრეზიდენტო კანდიდატი იყო, მას რადიკალური ოპოზიცია როგორ მოიხსენიებდა, კარგად გვახსოვს. ისიც გვახსოვს, შემდეგ ისინი ერთ ნავში როგორ აღმოჩდნენ, უცხოეთიდან დავალებებს ერთად როგორ იღებდნენ, როგორც ჩვეულებრივი აგენტურა, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარე დავით მათიკაშვილმა განაცხადა.
მათიკაშვილის თქმით, რადიკალური ოპოზიცია არათუ ულიდეროდ არის, არამედ ურეიტინგოა.
„როგორც ჩანს, მათ ეს დავალებები ვერ შეასრულეს, ქვეყანაში არეულობა ვერ შეძლეს, ვერც ცეცხლის დანთება და ვერც რევოლუცია მოაწყეს. ალბათ, უკვე მათი შიდა ინტერესები აღარ ემთხვევა, თუმცა, საბოლოო ჯამში, ერთ ნავში მყოფი, ერთი დავალების მიმცემი პირებისთვის, ვინც არიან სალომე ზურაბიშვილი და დანარჩენი რადიკალები, ისინი ამ შემთხვევაში, გაერთიანდებიან თუ გაიყოფიან, ერთია, რადგან მათი რეიტინგი ნულოვანია. რადიკალური ოპოზიცია არათუ ულიდეროდ არის, არამედ ურეიტინგოა“, – განაცხადა დავით მათიკაშვილმა.