ადამიანი, რომელიც ღალატობს თავის სამშობლოს, კანონის უმკაცრესი ზომით უნდა იყოს დასჯილი, – აცხადებს ფრაქცია „ქართული ოცნების“ თავმჯდომარის მოადგილე ლევან მაჭავარიანი სისხლის სამართლის კოდექსში შესატან ცვლილებებთან დაკავშირებით.
„ადამიანი, რომელიც ღალატობს თავის სამშობლოს, კანონის უმკაცრესი ზომით უნდა იყოს დასჯილი. მეორეს მხრივ, ეს ატარებს პრევენციულ ხასიათს, რომ ჩვენი ქვეყნის პოტენციური მოღალატე, ორჯერ და სამჯერ უფრო მეტს დაფიქრდება, სანამ ასეთ ნაბიჯს გადადგამს, ვინაიდან იცის, რომ ამის გამო დაეკისრება სერიოზული პასუხისმგებლობა“, – აღნიშნა მაჭავარიანმა.
სისხლის სამართლის კოდექსში ცვლილებებს განიხილავს დღეს იურიდიული კომიტეტი. კანონმდებლობაში ისევ ჩნდება სამშობლოს ღალატის მუხლი, რომელიც ნაციონალურმა მოძრაობამ 2007 წელს გააუქმა.
კომენტარები
