ჩვენ კარგად ვიცით, რომ „კოლექტიური ნაცმოძრაობის“ წარმომადგენლები ცდილობენ, რომ პარალელურ სამყაროში იცხოვრონ და ცდილობენ სხვაც აცხოვრონ ამ პარალელურ საქართველოში. ყველა კარგად ხედავს, რომ აღქმების დრო დამთავრდა, მსოფლიოსა თუ საქართველოში და ფაქტებზე დაყრდნობილი ცხოვრება მოვიდა, – განაცხადა გადაცემაში „დღის ქრონიკა“ პოლიტიკური ჯგუფის „ხალხის ძალის“ თავმჯდომარის მოადგილე გურამ მაჭარაშვილმა ნარკოპოლიტიკის გამკაცრებაზე საუბრისას, ჟურნალისტის კითხვის საპასუხოდ რომელმაც აღნიშნა, რომ ოპოზიციის წარმომადგენლები ფიქრობენ, რომ ხელისუფლება სადამსჯელო ღონისძიებებისთვის დამატებით საფუძველს იქმნის ნარკოპოლიტიკის გამკაცრების გზით.
„სადამსჯელო მექანიზმი რა შუაშია, როდესაც საუბარია ნარკოპოლიტიკის გამკაცრებაზე. ვინმე იტყვის, რომ ნარკოპოლიტიკა არ უნდა იყოს მკაცრი და რეალიზატორის მიმართ სანქციები არ უნდა გამკაცრდეს?. მათ შორის მომხმარებლების მიმართ გარკვეული შეზღუდვები უნდა არსებობდეს იმიტომ, რომ სხვანაირად გამორიცხულია ებრძოლო ასეთ სენს, რომელიც მსოფლიო გამოწვევაა არ და არ არის მხოლოდ საქართველოს გამოწვევა. ჩვენ ჩვენს ქვეყანაზე ვართ პასუხისმგებელი და ამიტომ არის საჭირო, რომ გაძლიერდეს ნარკოპოლიტიკაში ის მიმდინარეობა, რომელიც იდეოლოგიურად შეეწინააღმდეგება.
მხოლოდ სასჯელის გამკაცრებას იმას კი არ ნიშნავს, რომ მიზანი არის აუცილებლად ვიღაცა მხოლოდ დასაჯო, ან და მომხმარებელი აუცილებლად რაღაცნაირად შეზღუდო, ამის მიზანი ისიც არის, რომ საზოგადოების სხვა წევრებს დავანახოთ, რომ ეს არის სენი და ეს არის უბედურება, ამით იკარგება თაობები. ეს არის ძირითად მიზანი და რა შუაში აქცია, აქციაზე თუ ვინმეს გააჩერებენ და ის ნარკოტიკული თრობის ქვეშ არის, ჩვეულებრივად აგებს პასუხს, როგორც არა აქციაზე მდგომი რომ გააჩერონ და აღმოჩნდება ნარკოტიკული თრობის ქვეშ“, – აღნიშნა გურამ მაჭარაშვილმა.