დღეს საქართველოს ეროვნული ნაკრები ერთა ლიგის პლეი-ოფის პირველ შეხვედრას, სომხეთის ნაკრების წინააღმდეგ ერევანში გამართავს. მატჩი 21:00 საათზე დაიწყება.
გულშემატკივრებისთვის, რომლებიც თამაშზე დასწრებას სომხეთში ვერ ახერხებენ თბილისის მერიის ორგანიზებით რესპუბლიკის მოედანზე მოწყობილ დიდ ეკრანზე მატჩის საჯარო ჩვენება გაიმართება.
ეროვნული ნაკრები სომხეთში გუშინ ჩავიდა და მატჩისწინა ვარჯიშიც ჩაატარა.
შეგახსენებთ, რომ ერთა ლიგის ჯგუფურ ეტაპზე მიღებული ყვითელი ბარათების გამო, დღეს სომხეთთან შეხვედრას გურამ კაშია და ხვიჩა კვარაცხელია გამოტოვებენ. ეროვნული ნაკრების კაპიტანი კი ოთარ კიტეიშვილი იქნება. B ლიგაში ადგილის შესანარჩუნებელი ორმატჩიანი პლეი-ოფის შემდეგი შეხვედრა საქართველო-სომხეთს შორის 23 მარტს თბილისში გაიმართება.
კომენტარები