კახა ჭუმბურიძე „ქრონიკასთან“ აცხადებს, რომ სომხეთის ნაკრებთან თამაშის წინ კარგი განწყობა აქვთ. საქართველოს ფეხბურთის ფედერაციის პირველი ვიცე-პრეზიდენტი აღნიშნავს, რომ თამაში პრინციპული იქნება.
„განწყობა კარგია. როცა ნაკრების მაისური გაცვია და შენს ქვეყანას წარმოადგენ ნებისმიერი თამაში მნიშვნელოვანია, არ აქვს მნიშვნელობა ოფიციალური იქნება თუ ამხანაგური. დარწმუნებული ვარ მეტად პრინციპული თამაში იქნება, რადგან სომხები ეცდებიან დაამტკიცონ, რომ არავისზე ნაკლები არ არიან, ჩვენმა ნაკრებმა კი ადგილი უნდა შეინარჩუნოს ბ ჯგუფში“, – აღნიშნა კახა ჭუმბურიძემ.
დღეს საქართველოს ეროვნული ნაკრები ერთა ლიგის პლეი-ოფის პირველ შეხვედრას, სომხეთის ნაკრების წინააღმდეგ ერევანში გამართავს. მატჩი 21:00 საათზე დაიწყება.
კომენტარები