სლოვაკეთის პრემიერ-მინისტრი, რობერტ ფიცო იმუქრება, რომ რუსეთის წინააღმდეგ სანქციათა ახალ პაკეტს დაბლოკავს, თუ ეს უკრაინაში ომის მშვიდობიანად დარეგულირებას ხელს შეუშლის.
მისი თქმით, არ შეიძლება „ნებისმიერ ფასად სანქციების შემოღებას ითხოვდე“.
„შესაძლოა, დადგეს მომენტი, როცა ჩვენ ვიტყვით, რომ არ ვეთანხმებით, ან რომ ეს ეწინააღმდეგება იმ სამშვიდობო ნაბიჯებს, რომელიც ახლა გადაიდგმება. თუ ჩვენ მომდევნო სანქციებს შევხედავთ ისე, რომ ისინი ძირს გამოუთხრიან სამშვიდობო პროცესს, ჩვენ მზად ვართ მათ ვეტო დავადოთ“, – თქვა სლოვაკეთის პრემიერმა.
ამასთან ერთად ფიცო ფიქრობს, რომ ევროკავშირის სასანქციო სია, რომელიც 2400 ადამიანსა და ორგანიზაციაზე მეტს მოიცავს, უახლოეს კვირებსა და თვეებში, შესაძლოა, შემცირდეს.
სლოვაკეთის პრემიერის განცხადებით, თუ ევროკავშირი „ომის ერთადერთ მომხრედ დარჩება“, ეს „ძალიან სახიფათო იქნება მისი იმიჯისთვის“.