საქართველოს სპორტის სამინისტროს მხარდაჭერით თბილისის „გრანდ სლემი” მიმდინარეობს. ქართველმა ძიუდოისტმა ირაკლი ბეროშვილმა (-81 კგ) მესამე ადგილისთვის შეხვედრაში კანადელი ფრანსუა გოტიე დრაპუ დაამარცხა და ბრინჯაოს მედალი მოიპოვა.
ბრინჯაოს მედლისთვის შეხვედრამდე მან შვეიცარიელი, უზბეკი და მონღოლი მოწინააღმდეგეები დაამარცხა, ნახევარფინალი კი თურქ სპორტსმენთან დათმო.
24 წლის ირაკლი ბეროშვილისთვის ეს ,,გრანდ სლემზე” მოპოვებული პირველი მედალია.
საქართველოს ნაკრებს თბილისის „გრანდ სლემზე” უკვე ხუთი მედალი აქვს. ტურნირზე ეთერ ლიპარტელიანმა (-57 კგ) ოქროს მედალი მოიპოვა, ამავე წონაში ნინო ლოლაძემ ბრინჯაოს მედალი დაიმსახურა; თემურ ნოზაძე (-66 კგ) ვერცხლის, ლაშა შავდათუაშვილი (-73 კგ) კი ოქროს მედლის მფლობელები გახდნენ.
კომენტარები