საქართველოს სპორტის სამინისტროს მხარდაჭერით თბილისის „გრანდ სლემი” მიმდინარეობს. ქართველმა ძიუდოისტმა ზაურ დვალაშვილმა (-81 კგ) ბრინჯაოს მედლისთვის ბრძოლაში ფრანგი არნაუ არეგბა 20 წამში დაამარცხა.
მესამე ადგილისთვის შეხვედრამდე მან ისრაელელი, უნგრელი და ფრანგი მეტოქეები დაამარცხა, ნახევარფინალი კი მოლდოველ სპორტსმენთან დათმო.
საქართველოსთვის ეს თბილისის „გრანდ სლემზე” მოპოვებული მეექვსე მედალია. ტურნირზე ეთერ ლიპარტელიანმა (-57 კგ) ოქროს მედალი მოიპოვა. ამავე წონაში ნინო ლოლაძემ ბრინჯაოს მედალი დაისაკუთრა. თემურ ნოზაძემ (-66 კგ) – ვერცხლის, ლაშა შავდათუაშვილმა (-73 კგ) ოქროს, ირაკლი ბეროშვილმა(-81 კგ) კი ბრინჯაოს მედლები მოიპოვეს.
კომენტარები