მათ უარი თქვეს თავისი ამომრჩევლის მიერ გამოხატულ ნებაზე. არ შემოვიდნენ პარლამენტში. ეგონათ, რომ ამით რევოლუციურ მუხტს გადაზრდიდნენ, – განაცხადა რეგიონული პოლიტიკისა და თვითმმართველობის კომიტეტის თავმჯდომარემ, საპარლამენტო უმრავლესობის წევრმა, ირაკლი ქადაგიშვილმა რადიკალური ოპოზიციის მხრიდან თვითმმართველობის არჩევნებში მონაწილეობის საკითხზე საუბრისას.
მისი თქმით, რადიკალებს რევოლუცია არ გამოუვიდათ, ახლა კი უჭირთ თქვან, რომ დემოკრატიულ პროცესში ჩაერთვებიან.
„რადიკალური ოპოზიცია თანმიმდევრულად, თვითლიკვიდაციის გზაზე დგას და ეს თვითლიკვიდაციის გზა არის მათი და მათი პატრონების არჩევანი. მათ უარი თქვეს თავისი ამომრჩევლის მიერ გამოხატულ ნებაზე. არ შემოვიდნენ პარლამენტში. ეგონათ, რომ ამით ისინი რევოლუციურ მუხტს ისე გადაზრდიდნენ, რომ აქ რევოლუციას და გადატრიალებას მოახდენდნენ. ეს არ გამოუვიდათ. ბუნებრივია, ახლა უჭირთ, თქვან, რომ ისვე კონსტიტუციურ და დემოკრატიულ პროცესში უნდა ჩავერთოთ“, – განაცხადა ქადაგიშვილმა.