დავით ქართველიშვილი სოციალურ ქსელში პოსტს აქვეყნებს.
“რაც გუშინ ღამით გოგა ხაინდრავას სახლთან განვითარდა სხვა არაფერია, თუ არა უსამშობლო უღმერთოების მიერ გაწერილი სცენარის, “მოკალი ქოცის” ერთ-ერთი ნაწილი. ადამიანი რომ მოკლა, მაინცდამაინც თოფი კი არ უნდა ესროლო, ეს შეიძლება გააკეთო სიტყვით, შიზოფრენიული კივილით, შამანური ვუდუ-რიტუალით, მისი უკიდურეს ჰიპერტონიულ აშლილობამდე მიზანმიმართული მიყვანით. ის, რაც გოგას გაუბედეს – ყველას ეხება და ყველასთან მიმსვლელები არიან. მოსალოდნელია ჩვენი ახლობლების საფლავებზე ვანდალური და სატანისტური აქტების სახითაც.
რამ შვა ეშმაკეულთა ეს “იურგენ” რაზმები? საზოგადოებამ. ჩვენ. ეს სარეველა აღმოცენდა იმ მიტოვებულ ველზე, რომელსაც ოდესღაც სახარება, მორალი, ზნეობა, ქართველობა ასაზრდოებდა და სარეველას ებრძოდა. ჯვრის ტარება რომ მოგბეზრდება, დაგეზარება, საჭიროდ არ ჩათვლი – მაშინ ჩნდებიან ისინი, ჭინკები, ლეგიონი, რომელთა დამარცხების სხვა რეცეპტი არ დაუტოვებია ჩვენთვის მაცხოვარს: მხოლოდ (!) მარხვა (!!) და ლოცვა (!!!).
“შიგევროპაში” ამ სარეველამ ჯუნგლები რომ შექმნა, ამაზე უკვე მოგახსენეთ (https://geo-first.com/davit-qartvelisvili-mokali-qoci-s-sig-evropuli-acrdili/) – გადაიზრდება ეს სიმახინჯე ჩვენთანაც ასეთ ფატალურ ფორმებში, ვერ გეტყვით. ამ მოვლენას ვერანაირი პოლიციური მეთოდებით ვერ მოსპობ, სანამ ჩვენი მოსახლეობის ნორმალური ნაწილის ტოტალური უმრავლესობა ეკლესიის, მარხვის და ლოცვის გარეშე ნებივრობს. ნებივრობს და ერთდროულად შფოთავს: “გვეშველება რამე?”. პასუხი დავწერო?”