აშშ-ის თავდაცვის მდივანმა, პიტ ჰეგსეთმა ნატო-ში ქვეყნის მთავარი სამხედრო წარმომადგენელი შოშანა ჩეთფილდი თანამდებობიდან გაათავისუფლა.
პენტაგონში აცხადებენ, რომ გადაწყვეტილების საფუძველი სამხედრო წარმომადგენლის მიმართ ნდობის დაკარგვა გახდა. სამხედრო-საზღვაო ძალების ყოფილი წევრი ნატო-ში აშშ-ის სამხედრო წარმომადგენლად 2023 წლიდან მუშაობდა.
პოლიტიკური ანალიტიკოსები მიუთითებენ აშშ-ის წინა ადმინისტრაციის მიერ დანიშნული უსაფრთხოების სისტემის თანამშრომლების ფართომასშტაბიან წმენდაზე, ამჟამინდელი პრეზიდენტის, დონალდ ტრამპის ერთგული კადრების სასარგებლოდ. ასევე ცნობილი ხდება, რომ ადმირალი ლიზა ფრანჩეტი, პირველი ქალი, რომელიც ხელმძღვანელობდა აშშ-ის საზღვაო ფლოტს, ასევე გაათავისუფლეს თანამდებობიდან.
კომენტარები