ისრაელმა ღაზაზე იერიში მიიტანა. ამის შესახებ „ბიბისი“ წერს.
მედიის ცნობით, მაღალსრთულიან საცხოვრებელ შენობაზე მიტანილი იერიშის შედეგად 29 ადამიანია დაღუპული, მათ შორის ბავშვები. ნანგრევების ქვეშ კი ათობით ადამიანს ეძებდნენ.
„ჰამასის“ მიერ კონტროლირებულ ჯანდაცვის სამინისტროში ამბობენ, რომ დარტყმები ალ-ჰავაშის მეჩეთის მახლობლად, შეჯაიას რაიონში განხორციელდა. ისრაელში კი აცხადებენ, რომ იერიში „ჰამასის“ ტერორისტზე მიიტანეს, რომელიც პასუხისმგებელი იყო ისრაელის ტერიტორიაზე თავდასხმების დაგეგმვასა და განხორციელებაზე.
ისრაელელი სამხედროების ინფორმაციით, მნიშვნელოვანი ნაბიჯები გადაიდგა მშვიდობიანი მოსახლეობისთვის ზიანის შესამცირებლად. ისრაელმა კიდევ ერთხელ დაადანაშაულა „ჰამასი“ მოქალაქეების ფარად გამოყენებაში.
კომენტარები