თურქეთს არ აქვს განზრახული კონფლიქტი რომელიმე ქვეყანასთან სირიაში, მათ შორის არც ისრაელთან, – ამის შესახებ თურქეთის საგარეო საქმეთა მინისტრმა, ჰაქან ფიდანმა განაცხადა.
თურქეთის საგარეო უწყების ხელმძღვანელის თქმით, მიუღებელია სირიაში ისრაელის მიერ პროვოკაციების მოწყობის მცდელობა რეგიონში ზოგიერთი ექსპანსიონისტური ამბიციების გამოყენებით.
„ჩვენ არ შეგვიძლია ვუყუროთ, რომ სირია ექვემდებარება შიდა არეულობას, ოპერაციებს ან პროვოკაციებს, რომლებიც კვლავ საფრთხეს შეუქმნის თურქეთის ეროვნულ უსაფრთხოებას. ჩვენ არ შეგვიძლია უბრალოდ ვუყუროთ ამას“, – აღნიშნა ჰაქან ფიდანმა.
თურქეთის საგარეო საქმეთა მინისტრმა ასევე აღნიშნა, რომ ისრაელმა გაანადგურა ყველა ელემენტი, რომლის გამოყენებაც რეგულარულ არმიას შეეძლო სირიაში იმ დღიდან, რაც ბაშარ ასადმა ქვეყანა დატოვა.
„ისრაელმა დაადგინა სტრატეგია, რომ არაფერი დატოვოს ახალ ადმინისტრაციისა და შეიარაღებული ძალებისთვის და ეტაპობრივად ავითარებს ამას“, – განაცხადა ჰაქან ფიდანმა.