დონალდ ტრამპის სპეციალურმა წარმომადგენელმა, კიტ კელოგმა განაცხადა, რომ The Times-ის ჟურნალისტებმა დაამახინჯეს მისი სიტყვები უკრაინის „გაყოფის“ შესახებ.
„The Times-ის სტატია ამახინჯებს იმას, რაც მე ვთქვი. მე ვსაუბრობდი ცეცხლის შეწყვეტის შემდეგ მდგრადობის უზრუნველყოფის ძალებზე, რომლებიც მხარს დაუჭერდნენ უკრაინის სუვერენიტეტს. მე ვგულისხმობდი მოკავშირეთა ძალების პასუხისმგებლობის სფეროებს ან ზონებს (აშშ-ის ჯარების გარეშე). მე არ ვგულისხმობდი უკრაინის გაყოფას“, – აღნიშნა კიტ კელოგმა.
The Times-მა კელოგის სიტყვებზე დაყრდნობით განაცხადა, რომ სამშვიდობო შეთანხმების ფარგლებში უკრაინა შეიძლება კონტროლის ზონებად დაიყოს, 1945 წლის ბერლინის მსგავსად.
კომენტარები