ავჭალაში გარდაცვლილი 13 წლის მოზარდის დეიდა, „მთავარი არხის“ მიერ გავრცელებულ ინფორმაციას ეხმიანება, რომლის თანახმად, არასრულწლოვანი კორპუსის ლიფტის შახტში ჩავარდნის შედეგად დაიღუპა.
გარდაცვლილის დეიდა მოუწოდებს „მთავარ არხს“, კარგად გაერკვიონ ვითარებაში და ტყუილს ნუ ავრცელებენ, ვინაიდან, მოზარდი დანგრეული კორპუსის დანგრეულ შახტში ჩავარდა.
„ტყუილს ნუ ავრცელებთ, გაერკვიეთ კარგად, როგორ და რანაირ ლიფტის შახტში ჩავარდა ბავშვი. ჩავარდა დანგრეული კორპუსის სრულიად დანგრეულ შახტში და არა შესახლებული კორპუსის ლიფტის შახტში. ნიკა დე, ჩემო ტკივილო,” – წერს გარდაცვლილის დეიდა „მთავარი არხის“ ფეისბუქ-გვერდზე.
კომენტარები