აშშ-ის პრეზიდენტის, დონალდ ტრამპის განცხადებით, რუსეთის მიერ უკრაინის ქალაქ სუმის დაბომბვა შეცდომა იყო.
„მე მითხრეს, რომ მათ [რუსებმა] შეცდომა დაუშვეს. მაგრამ, მე ვთვლი, რომ ეს საშინელებაა. ვთვლი, რომ ნებისმიერი ომი – საშინელებაა“, – თქვა ტრამპმა.
ჟურნალისტის კითხვას, თუ რას ნიშნავს, რომ მათ შეცდომა დაუშვეს, ტრამპმა პასუხი არ გასცა და ურჩია თავად ჰკითხოს რუსებს.
„მათ შეცდომა დაუშვეს. მისმინეთ, მათ ჰკითხეთ. ეს ბაიდენის ომია. ეს ჩემი ომი არ არის. ცოტა დრო არის გასული, რაც მე აქ ვარ. ეს არის ომი, რომელიც ბაიდენის დროს მოხდა“, – დასძინა თეთრი სახლის ლიდერმა.
ცნობისთვის, რუსეთმა გუშინ ორი ბალისტიკური რაკეტით სუმი დაბომბა. ბოლო მონაცემებით, დაიღუპა 34 ადამიანი, 117 კი დაშავდა.
კომენტარები
