„გრანტებთან დაკავშირებით კანონში ცვლილებები არის ჰიბრიდული ომის წინააღმდეგ ერთ-ერთი სერიოზული ნაბიჯი, რომელიც „ქართული ოცნების“ხელისუფლების მიერ გადაიდგა. უკვე ნამდვილად შეგვიძლია ვთქვათ, რომ საქართველო სახელმწიფოა, რომელსაც დამოუკიდებლად შეუძლია ისეთი გადაწყვეტილებების მიღება, რომელიც მას და მის ეროვნულ ინტერესებს სჭირდება“, – ამის შესახებ მედიასთან „ხალხის ძალის“ წევრმა თამარ ჩიბურდანიძემ განაცხადა.
მისი თქმით, გრანტების შესახებ კანონი უმნიშვნელოვანესია იმიტომ, რომ უცხოეთიდან შემოსული ფულით დაფინანსებული იმ აგენტურის მუშაობა შეწყდეს, რომელიც ჩვენი ქვეყნის წინააღმდეგ მოქმედებს.
„ეს გრანტები მანამდე ყოველგვარი კონტროლის გარეშე შემოდიოდა საქართველოში, მთელი 35 წლის განმავლობაში. თუ ვინმეს სურდა თავისი მიზნებისთვის აგენტურის შექმნა, ყველამ ამისთვის მილიონობით დოლარის შემოტანა შეძლო საქართველოში. ამ აგენტურის გაუვნებელყოფა დღეს უკვე ძალიან რთულია, თუმცა ხელისუფლება მაინც ახერხებს. მიუხედავად იმისა, რომ საზოგადოების დიდი ნაწილი ხედავს ამ აგენტურას, მათ რეალურ მიზნებს და ესმის, რომ აგენტურის ხელით ქვეყნის მართვა უნდა დასრულდეს, ამ აგენტურის გვერდით ახალგაზრდების გარკვეულმა ნაწილმა მაინც მოიყარა თავი. ამიტომ, დიდი და ხანგრძლივი მუშაობა მოგვიწევს, რომ სათითაოდ მივიტანოთ მათთან რეალური, ობიექტური ინფორმაცია და გავაქროთ ის დეზინფორმაცია, რაც უცხოეთიდან მოედინება.
მთავარია ის, რომ პირველად საქართველოს ისტორიაში ქვეყანა საკუთარ თავს მართავს. მთელი 70 წლის განმავლობაში ქვეყანა ყველა საკითხს მოსკოვს უთანხმებდა. დამოუკიდებლობის შემდეგ კი, მთელი 35 წლის განმავლობაში, საქართველოსთან მიმართებით ყველა მნიშვნელოვანი საკითხი წყდებოდა ვაშინგტონსა და ბრიუსელში. დღეს პირველად ხდება, რომ საქართველოსთვის ყველა მნიშვნელოვანი საკითხი წყდება საქართველოშივე. შესაბამისად, გრანტების შესახებ კანონი უმნიშვნელოვანესია იმიტომ, რომ საქართველოში უცხოეთიდან შემოსული ფულით დაფინანსებული აგენტურის მუშაობა შეწყდეს. იმ აგენტურის, რომელიც ჩვენი ქვეყნის ინტერესების საწინააღმდეგოდ მოქმედებს“, – აღნიშნა თამარ ჩიბურდანიძემ.