საქართველოს პარლამენტის თავმჯდომარის მოადგილე ნინო წილოსანი „სირცხვილიას“ წევრის მიერ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველის მოადგილის, დროებითი საგამოძიებო კომისიის წევრის, ალუდა ღუდუშაურის სიტყვიერ შეურაცხყოფას ეხმაურება.
„როდესაც გიორგი არველაძის შვილი ვინმეს მიადგება და შეურაცხყოფას მიაყენებს, მან აუცილებლად უნდა იცოდეს, რომ მამამისმა მიიტაცა ტელეკომპანია „იმედი“ და მისი ხელით ამ ქვეყანაში ჩაიხშო თავისუფალი სიტყვა. ამიტომ ვფიქრობ, რომ თუ ვინმესთვის მორალის წაკითხვა სურს, უნდა დაიწყოს საკუთარი ოჯახის წევრებიდან“, – განაცხადა ნინო წილოსანმა.
ცნობისთვის, საგამოძიებო კომისიის წევრს ალუდა ღუდუშაურს ორგანიზაცია „სირცხვილია“-ს წევრი მიეჭრა, ვიდეო გადაუღო და სოციალურ ქსელში ატვირთა.
კომენტარები