გიორგი აბდალაძეს ჩემი აცილება აიძულეს და ადვოკატად მიუყვანეს მირდატ ქამადაძე, შემდგომში „ნაციონალური მოძრაობის“ დეპუტატობის კანდიდატი, – ამის შესახებ საზოგადოებრივს ეკა ბესელიამ განუცხადა, რომელიც 2011 წელს, ჯაშუშობაში ბრალდებულ ფოტოგრაფს გია აბდალაძეს იცავდა.
„ქამადაძე ზაზა ბიბილაშვილის საადვოკატო ბიუროს ორდერით მოვიდა და ბოლო მომენტში გიას ადვოკატი გახდა, იმ დროს როცა აბდალაძე იძულებული იყო ავეცილებინე, რადგან საპროცესოს ხელს არ ვაწერდი.
შემდგომში, ბოლო საპარლამენტო არჩევნების დროს მირდატ ქამადაძე „ნაციონალებიდან“ დეპუტატობის კანდიდატი იყო და კონკურენციას უწევდა აჭარაში ფატი ხალვაშს”, – განაცხადა ეკა ბესელიამ, რომელიც, როგორც აბდალაძის ადვოკატი, სასამართლოში მოწმის სახით დაიკითხება.
ე.წ. ფოტორეპორტიორების საქმეზე დღეს დაზარალებულის სტატუსის მქონე გიორგი აბდალაძე დაიკითხა.