რუსეთის შეიარაღებულმა ძალებმა უკრაინის ხარკოვის ოლქის კუპიანსკის რაიონის სოფელი პეტროპავლოვკა დაბომბა, რის შედეგადაც ორი ადამიანი დაიღუპა. ინფორმაციას ადგილობრივი პროკურატურა ავრცელებს.
უკრაინელი სამართალდამცველების ცნობით, დაღუპულები არიან 54 წლის ქალი და 26 წლის მამაკაცი. დაბომბვისას სოფელში მდებარე რამდენიმე სახლი დაზიანდა. როგორც რაიონულ პროკურატურაში აცხადებენ, რუსეთის მიერ გამოყენებული საავიაციო ბომბის სახეობა დგინდება.
ხარკოვის საოლქო სამხედრო ადმინისტრაციის ხელმძღვანელი, ოლეგ სინეგუბოვი, თავის მხრივ, აღნიშნავს, რომ აპრილის დასაწყისიდან რუსეთმა კუპიანსკის რაიონი 2900 ჯერ დაბომბა, რის შედეგადაც 25 ადამიანი დაშავდა, ხოლო ოთხი – დაიღუპა.
კომენტარები