თურქეთში სტამბოლის მუნიციპალიტეტის 47 თანამშრომელი კორუფციის ბრალდებით დააკავეს. ინფორმაციას ამის შესახებ სააგენტო „როიტერი” ადგილობრივ მედიაზე დაყრდნობით ავრცელებს. დაკავებულთა შორის არიან მუნიციპალიტეტის გენერალური მდივანი, მერის აპარატის უფროსი, მუნიციპალიტეტის წყალმომარაგების ადმინისტრაციის თავმჯდომარე და მისი მოადგილე. ასევე, დაკავებულია სტამბოლის დაპატიმრებული მერის, ეკრემ იმამოღლუს თანაშემწის მეუღლე.
მარტში თურქეთში დააკავეს სტამბოლის მერი ეკრემ იმამოღლუ, რომელიც პრეზიდენტ რეჯეფ ტაიფ ერდოღანის მთავარ პოლიტიკურ მეტოქედ მოიაზრება. მას ბრალად ედება კორუფცია და ტერორისტული ორგანიზაციის ხელშეწყობა. იმამოღლუ ბრალდებებს უარყოფს და მის წინააღმდეგ საქმეებს პოლიტიკურად მოტივირებულად მიიჩნევს. მის დაკავებას თურქეთში მასობრივი საპროტესტო გამოსვლები მოჰყვა.
ბოლო დაკავებების გათვალისწინებით, ეკრემ იმამოღლუს დაპატიმრების შემდეგ დაკავებულთ რაოდენობამ სულ მცირე 150 შეადგინა.
იმამოღლუს „სახალხო რესპუბლიკური პარტია“ თავისი წევრების დაკავებას მომავალი არჩევნების წინ ოპოზიციის განეიტრალების კამპანიის ნაწილად მიიჩნევს. ხელისუფლება ბრალდებებს უარყოფს და აცხადებს, რომ მართლმსაჯულების სისტემა დამოუკიდებელია.