სამწუხაროდ, ჩვენს საზოგადოებას მრავალჯერ აქვს ეს ყველაფერი ნანახი. იყვნენ ორჯონიკიძეები, დღეს კი ეს პირები არიან, – ასე გამოეხმაურა პარლამენტის საპროცედურო საკითხთა და წესების კომიტეტის თავმჯდომარე, დავით მათიკაშვილი ინფორმაციას, რომლის თანხმად ვანო ჩხიკვაძე საქართველოსთვის უვიზო მიმოსვლის შეჩერებას ითხოვს.
„ზოგი ისპაჰანში გარბოდა, იმისთვის რომ ეღალატა ჩვენი ქვეყნისთვის, ზოგი მოსკოვში, ამ შემთხვევაში კი ვხედავთ ადამიანს, რომლის სურვილიც არის, რომ ჩვენი ქვეყანა დაზიანდეს, ჩემი ქვეყნის მოსახლეობა დაზიანდეს და ის პირდაპირ ამ ყველაფერს ითხოვს თავისი დავალების მიმცემებისგან. თუმცა, ისევე როგორც ვერ განხორციელდა ქვეყნის წინააღმდეგ გადადგმული ნაბიჯები, ასევე ფუჭი იქნება ეს მოღალატეობრივი ქმედება“, – აცხადებს მათიკაშვილი.
ვანო ჩხიკვაძე ბრიუსელს ზომების მიღებას სთხოვს, მათ შორის უვიზო მიმოსვლის შეჩერებას. გამოქვეყნდა სტატია, რომელიც სიცრუეზეა აგებული.