“ეს არის ოპოზიციასთან მეგობრობის, „ნაციონალურ მოძრაობასთან“ მეგობრობის აქტი”

ეს არის ოპოზიციასთან მეგობრობის, „ნაციონალურ მოძრაობასთან“ მეგობრობის და საქართველოსთან, როგორც სახელმწიფოსთან მტრობის აქტი. ხელისუფლებასთან, მათ შორის, – განაცხადა გადაცემაში „იმედი LIVE“ „ერთიანი ნეიტრალური საქართველოს“ ერთ-ერთმა დამფუძნებელმა ბიძინა გიორგობიანმა „MEGOBARI აქტზე“ საუბრისას.

მისი თქმით, ამ აქტის მიღებით ამერიკის შეერთებული შტატები, ფაქტობრივად პასუხისმგებლობას იღებს ყველა ნაბიჯზე, რომელ ნაბიჯსაც გადადგამენ ის ექსტრემისტული რადიკალური ძალები, რომლებიც ქუჩაში ბრძოლების იმიტაციას მართავდნენ.

„ყველაზე საინტერესო მომენტი ეგ არის, რომ შინაარსი შეიცვალა მას შემდეგ, რაც პრეზიდენტი გახდა დონალდ ტრამპი. ბაიდენის ადმინისტრაციის დროს ამ აქტს ჰქონდა სხვა შინაარსი და ახლა აქვს სხვა შინაარსი. ახლა პირდაპირ ჩაიწერა შიგნით, რომ თითქოს ისინი ხელს უშლიან ამით საქართველომ დაამყაროს უფრო მჭიდრო და უფრო ახლო ურთიერთობები ჩინეთთან, ირანთან და რუსეთთან. ამით, ფაქტობრივად გააკეთეს მობილიზება იმ კონგრესმენების ხმების, რომლებიც საჭირო იყო ამ აქტის მისაღებად. ეს ძალიან უცნაური ნაბიჯი იყო, არარაციონალური ნაბიჯი. მიკვირს მე ამერიკული პოლიტიკური ელიტისგან, რომ ასეთ ნაბიჯებს უშვებენ.

ეს არის ოპოზიციასთან მეგობრობის, „ნაციონალურ მოძრაობასთან“ მეგობრობის და საქართველოსთან, როგორც სახელმწიფოსთან მტრობის აქტი. მათ შორის ხელისუფლებასთან, ეს ხელისუფლებაც ხალხის არჩეულია.

აქედან გამომდინარე, ამ აქტის მიღებით ამერიკის შეერთებული შტატები, ფაქტობრივად პასუხისმგებლობას იღებს ყველა ნაბიჯზე, რომელ ნაბიჯსაც გადადგამენ ის ექსტრემისტული რადიკალური ძალები, რომლებიც ქუჩაში ბრძოლების იმიტაციას მართავდნენ. მოწოდებული არიან საქართველოში სახელმწიფო გადატრიალებისკენ“, – აღნიშნა ბიძინა გიორგობიანმა.