იუსტიციის უმათლესი საბჭოს მდივანი, უზენაესი სასამართლოს ყოფილი მოსამართლე ლევან მურუსიძე მზად არის სანდრო გირგვლიანის საქმეზე ნებისმიერ დაინტერესებულ პირთან ერთად კიდევ ერხელ განიხილოს სტრასბურგის სასამართლოს მიერ გამოტანილი გადაწყვტილება.
გადაცემა “იმედის კვირაში” ლევან მურუსიძემ განაცხადა, რომ მომავალში, როდესაც იუსტიციის უმაღლესი საბჭოს მდივანი აღარ იქნება, ამ თემასთან დაკავშრებით უფრო ფართოდ შეეძლება საუბარი.
“სტრასბურგის სასამართლომ მიიღო გადაწყვეტილება, სადაც ნათქვამია, რომ ხელისუფლების სამივე შტო მოქმედებდა, რომ არ აღსრულებულიყო სამართალი. იქ არის სპეციალური თავი, რომელიც ეხება სასამართლოში განხორციელებულ დარღვევებს. თუ როდესმე კომპეტენტური ადამიანებს გაუჩნდებათ სურვილი, რომ ხელახლა გადავიკითხოთ აღნიშნული გადაწყვტილება და ის დარღვვები, რომელიც განხორციელდა სასამართლოში, მივუსადაგოთ როგორმე უზენაეს სასამართლოს, რომელშიც მე ვიღებდი მონაწილეობას, ძალიან მადლობელი დავრჩები. რადგან ერთხელ და სამუდამოდ ეს თემა დავხუროთ”,-განაცხადა მურუსიძემ.