შინაგან საქმეთა მინისტრის მოადგილის ინფორმაციით, აპრილის თვეში, ტურისტული მიზნით, რამდენიმე ბაიკერმა მართლაც გადმოლახა საქართველოს საზღვარი.
”რამდენიმე ბაიკერი შემოსულია აპრილის თვეში ტურისტული მიზნებით. დღეში საქართველოს საზღვარს კვეთს ათობით ბაიკერი სხვადასხვა – ზოგი ტრანზიტით, ზოგი ტურისტული მიზნით. იმ მომენტისთვის არანაირი ინფორმაცია, ამოსაცნობი ნიშანი, რომ ისინი იყვნენ ”ღამის მგლების” წევრები არ არსებობდა. შესაბამისად, მათ მიეცათ საქართველოში როგორც ტურისტებს შემოსვლის საშუალება და ამისგან რაიმე განსაკუთრებული მოვლენის შექმნა, მე მგონი, არ იქნება სწორი”, – განაცხადა შალვა ხუციშვილმა.
რაც შეეხება ორგანიზებულ მსვლელობას, საქართველოს შს სამინისტრომ განაცხადა, რომ არ იქნებოდა სასურველი მსგავსი ტიპის პერფორმანსის მოწყობა და ამის გამო, ბაიკერთა დიდ ნაწილს უარი ეთქვა საქართველოს საზღვრის გადმოკვეთაზე.