გერმანელმა სამართალდამცველებმა სამი უკრაინელი დააკავეს, რომლებიც ასაფეთქებელი მოწყობილობების შემცველი ამანათების გაგზავნასთან დაკავშირებულ საქმიანობაში არიან ეჭვმიტანილები. ინფორმაციას Reuters-ი ავრცელებს.
გერმანიის პროკურატურა მიიჩნევს, რომ უკრაინელები უცხო ქვეყნის ჯაშუშები იყვნენ და შემჩნეულნი იყვნენ რუსეთის სახელმწიფო უწყებებში მომუშავე პირებთან თანამშრომლობაში.
გერმანიის სამართალდამცველები დაკავებისა და საქმეზე მიმდინარე გამოძიების კონკრეტულ დეტალებზე არ საუბრობენ.
„ჩვენ ვიცით, რომ რუსეთი დასავლური დემოკრატიების დესტაბილიზაციას, მიზანმიმართული საბოტაჟისა და დაზვერვის სასტიკი მეთოდების ჩათვლით, ცდილობს. ჩვენი უსაფრთხოების ორგანოები ყურადღებით აკვირდებიან ამ საფრთხეს“, – თქვა გერმანიის იუსტიციის მინისტრმა შტეფანი ჰუბიგმა.
კომენტარები