უკრაინის პრეზიდენტმა, ვოლოდიმირ ზელენსკიმ განაცხადა, რომ დასავლეთმა უნდა გააძლიეროს ზეწოლა რუსეთზე მოლაპარაკებებში შედეგის მისაღწევად.
„როდესაც ადამიანებს შედეგი არ უნდათ, ლაპარაკი არ უნდათ, როდესაც ადამიანები საკითხს მხოლოდ იარაღით წყვეტენ – ეს ომია. და როდესაც ამ ომის დასასრულს ვერ ვხედავთ – ადამიანები დიპლომატიამდე მიდიან, ჩიხი რომ არ იყოს. თქვენ უნდა გადადგათ ნაბიჯები, რომლებიც მშვიდობას აახლოებს. ყველაფერი, რისი გაკეთებაც შეგიძლიათ – ეს არის აგრესორზე ზეწოლის გაძლიერება, სხვადასხვანაირად. ეს არის უკრაინის შეიარაღებით გაძლიერება, უკრაინის დაცვა. ზეწოლა იმ მხარეზე, რომელსაც ომის დასრულება არ უნდა“, – აღნიშნა ვოლოდიმირ ზელენსკიმ.
მისი თქმით, დონალდ ტრამპის პოზიცია ორივე მხარეზე ზეწოლის შესახებ თავიდანვე ცნობილი იყო.
„და მე მივიჩნევ, რომ ჩვენზე ზეწოლას უფრო მეტად ახორციელებდნენ, ვიდრე რუსეთზე. მაგრამ უკრაინა ნაბიჯ-ნაბიჯ აჩვენებდა, რომ საკითხი უკრაინაში არ არის. უკრაინა უბრალოდ მტკიცედ დგას და საკუთარი თავისთვის იბრძვის. მაგრამ ეს არ ნიშნავს, რომ ჩვენ აგრესორები ვართ. და ნაბიჯ-ნაბიჯ ამას სხვადასხვა დიპლომატიურ პლატფორმაზე ვადასტურებდით, ბევრ სხვადასხვა კომპრომისზე ვთანხმდებოდით“, – დასძინა მან.