საქართველოს იუსტიციის მინისტრმა, პაატა სალიამ ჩინეთის ელჩთან, ჭოუ ციენთან შეხვედრა გამართა.
იუსტიციის სამინისტროს პრესსამსახურის ინფორმაციით, პაატა სალიამ ჭოუ ციენს სამინისტროს საქმიანობის პრიორიტეტული მიმართულებები გააცნო.
„ასევე, საუბარი შეეხო საქართველოსა და ჩინეთს შორის არსებულ სტრატეგიულ პარტნიორობას და ორი ქვეყნის იუსტიციის სამინისტროებს შორის თანამშრომლობის პერსპექტივებს“, – აღნიშნულია იუსტიციის სამინისტროს მიერ გავრცელებულ ინფორმაციაში.
იუსტიციის სამინისტროში გამართულ შეხვედრას ესწრებოდნენ იუსტიციის მინისტრის მოადგილე ბექა ძამაშვილი, საელჩოს პირველი მდივანი ვანგ ტანი და საელჩოს ატაშე ჩენ ჩუეიპინი.
კომენტარები
