წელს ჩვენ საზოგადოებას ვუმასპინძლებთ ქალაქ მცხეთაში. მთელი დღის განმავლობაში იქნება საზეიმო ღონისძიებების საკმაოდ დატვირთული გრაფიკი, რომელიც დაიწყება 12:00 საათზე, – განუცხადა „ქრონიკას“ საგარეო საქმეთა მინისტრის მოადგილემ, ხათუნა თოთლაძემ.
მისივე თქმით, საქართველოს დამოუკიდებლობის დღესთან დაკავშირებით, მცხეთაში მოწყობილი იქნება გასართობი, შემეცნებითი ზონები სპეციალურად პატარებისთვის.
„გარდა ამისა, იქნება ძალიან საინტერესო გამოფენები, რომელიც ადგილზე მოეწყო. ასევე, ადგილობრივ მეწარმეებს მიეცემათ საშუალება, რომ თავიანთი პროდუქციის გამოფენა-გაყიდვა უზრუნველყონ. დღის ბოლოს გაიმართება კონცერტი, რომელიც სპეციალურად 26 მაისს მიეძღვნება“, – აღნიშნა თოთლაძემ.
მან ასევე ისაუბრა, საზღვარგარეთ თუ როგორ აღნიშნავს საგარეო საქმეთა სამინისტროს 26 მაისს.
რაც შეეხება ქვეყნის გარეთ აღნიშვნას, ტრადიციულად მრავალფეროვანია ღონისძიებები, რომელსაც გეგმავს საგარეო საქმეთა სამინისტრო დიპლომატიური წარმომადგენლობების ხელშეწყობითა და დახმარებით. ასევე აუცილებლად უნდა აღვნიშნო, რომ წელს 10-ზე მეტ ქვეყანაში ჩვენ ძალიან მასშტაბურ ღონისძიებებს ვახორციელებთ კულტურის სამინისტროს აქტიური ჩართულობით, ვინაიდან კულტურული კომპონენტი და კულტურული პროგრამები ასევე ძალიან მნიშვნელოვანია ამ დღის აღნიშვნის კონტექსტში, რომ მაქსიმალურად კარგად წარმოვაჩინოთ ჩვენი უნიკალური კულტურა, ისტორია, ღირებულებები, ტრადიციები“, – განაცხადა თოთლაძემ.