აშშ-ის შეიარაღებული ძალების ამოცანა არ არის დრაგ-შოუების მასპინძლობა ან უცხო კულტურების ტრანსფორმაცია და არც დემოკრატიის გავრცელება მთელ მსოფლიოში იარაღის მუქარით, – ამის შესახებ აშშ-ის პრეზიდენტმა, დონალდ ტრამპმა, „ვესთ ფოინთის“ სამხედრო აკადემიაში სიტყვით გამოსვლისას განაცხადა.
აშშ-ის პრეზიდენტის თქმით, სამხედროების ამოცანაა ნებისმიერ მოწინააღმდეგეზე დომინირება და ამერიკისთვის ნებისმიერი საფრთხის განადგურება ნებისმიერ დროს და ნებისმიერ ადგილას.
„თუ შეერთებულ შტატებს ან მის მოკავშირეებს ოდესმე საფრთხე, ან თავდასხმა დაემუქრება, არმია ჩვენს მოწინააღმდეგეებს დაუძლეველი ძალითა და გამანადგურებელი ძალით გაანადგურებს. სწორედ ამიტომ დაიწყო ჩემმა ადმინისტრაციამ შეერთებული შტატების შეიარაღებული ძალების კოლოსალური გაძლიერება. ჩვენ ვაშენებთ „ოქროს გუმბათის“ რაკეტსაწინააღმდეგო თავდაცვის ფარს, რათა დავიცვათ ჩვენი სამშობლო და „ვესთ-პოინთი“ თავდასხმისგან. და ეს დასრულდება ჩემი თანამდებობიდან წასვლამდე. ჩვენ გავათავისუფლეთ ჩვენი ჯარები გამანადგურებელი და დამამცირებელი პოლიტიკური წვრთნებისგან. აღარ იარსებებს კრიტიკული რასობრივი თეორია ან ტრანსგენდერიზმი ყველასთვის, რაც თავს მოეხვია ჩვენს მამაც მამაკაცებსა და ქალებს ფორმაში, ან ამ ქვეყანაში სხვა ნებისმიერ პირს“, – განაცხადა დონალდ ტრამპმა.