26 მაისთან დაკავშირებით ოპოზიციის დესტრუქციულ გეგმებს საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი აფასებს. მისი თქმით, ნებისმიერი მცდელობა ეროვნული დღესასწაულის ჩაშლისა მკაცრად იქნება აღკვეთილი.
„ყველა მცდელობა რაიმე ფორმით დისონანსი შეიტანონ ამ საერთო სახალხო დღესასწაულში, შეიტანონ კრიმინალი და არეულობა, ბუნებრივია, რომ იქნება ადეკვატურად პასუხგაცემული სახელმწიფოს მხრიდან და არავის წაუცდეს ხელი და ზედმეტი არ მოინდომოს. ჩამოდიან სხვადასხვა ევროპარლამენტარები, ანტიქართული განცხადებებით გამორჩეულები. ეს კიდევ ერთი ხაზგასმაა იმის, რომ რადიკალების მცირე ერთი მუჭა ჯგუფი და გლობალური დიფ სთეითის წარმომადგენლები და ევრობიუროკრატია ერთად მოქმედებენ. გეგმა არ გააჩნია ოპოზიციას. რაიმე ფორმის გეგმა რომ გქონდეს, უნდა გქონდეს შესაბამისი მხარდაჭერა საზოგადოებისგან, რაც რადიკალებს არ გააჩნიათ“, – აცხადებს მათიკაშვილი.