როდესაც დემოკრატიაზე ვსაუბრობთ, დემოკრატიის ერთ-ერთი ფუნდამენტი სწორედაც რომ გამჭვირვალობის პრინციპის დაცვაა, ვინაიდან გამჭვირვალობა უზრუნველყოფს ინფორმირებულ მოქალაქეს, – განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა ევროპელი ბიუროკრატების შეტევაზე საუბრისას.
„ცალკეული ევროპელი ბიუროკრატები სინამდვილეში როდესაც ამბობენ, რომ გამჭვირვალობა მათ ქვეყნებში მისაღებია და საქართველოში არის მიუღებელი, ამით ისინი აღიარებით ჩვენებას იძლევიან, რომ საქართველოში მათ ინტერესს დემოკრატია კი არა ფარული დინებები წარმოადგენს, ამავდროულად ჩვენ ვხედავთ, რომ ორმაგი სტანდარტის აგენტებად იქცნენ ეს ადამიანები“, – აღნიშნა რატი იონათამიშვილმა.
უცხოური აგენტების რეგისტრაციის აქტის ამოქმედებას საქართველოს წინააღმდეგ მორიგი შეტევა მოჰყვა. გამჭვირვალობის წინააღმდეგ გამოდიან იგივე აქტორები.