ისრაელის თავდაცვის მინისტრმა, ისრაელ კაცმა ირანის სულიერი ლიდერი, აიათოლა ალი ხამენი გააფრთხილა, თუ ირანი ისრაელის დაბომბვას გააგრძელებს, თეირანი ცეცხლის ალში გაეხვევა. ინფორმაციას The Times of Israel-ი ავრცელებს.
„ირანელ დიქტატორს ირანის მოქალაქეები ტყვედ ჰყავს აყვანილი და ქმნის რეალობას, რომელშიც ისინი, განსაკუთრებით კი, თეირანის მაცხოვრებლები ისრაელის მოქალაქეებზე კრიმინალური თავდასხმის გამო მაღალ ფასს გადაიხდიან“, – თქვა კაცმა ისრაელის თავდაცვის არმიის („ცაჰალის“) გენშტაბის უფროსთან, ეიალ ზამირთან და მოსადის დირექტორთან, დავით ბარნეასთან შეხვედრის დროს.
„თუ ხამენეი ისრაელის ზურგის რაკეტებით დაბომბვას გააგრძელებს, თეირანი ცეცხლის ალში გაეხვევა“, – დასძინა ისრაელის თავდაცვის მინისტრმა.
კომენტარები