“ჩვენ აქ სწორედ იმიტომ მოვედით, რომ ოთარაანთ ქვრივი, გლახის ნაამბობი და კაკო ყაჩაღი გვაქვს წაკითხული”

ლევან ლორთქიფანიძის თქმით, სტუდენტების მიზანი იყო არა ღონისძიების ჩაშლა, არამედ სოციალურ საკითხებზე დისკუსია.

„ჩვენ აქ სწორედ იმიტომ მოვედით, რომ ოთარაანთ ქვრივი, გლახის ნაამბობი და კაკო ყაჩაღი გვაქვს წაკითხული, ჩვენ აქ მოვედით არა ღონისძიების ჩასაშლელად, არამედ ღონისძიების ფორმატის შესაცვლელად. ჩვენ გვინდოდა, რომ მთელი დისკუსია დათმობოდა სოციალურ საკითხებს, გასაჭირს, დაღუპულ ადამიანებს, უმიწა-წყლო გლეხებს და სხვა უამრავ გაჭირვებულ ადამიანს საქართველოში, მაგრამ საქართველოს პარლამენტის თავმჯდომარემ აირჩია თავად ბოლშევიკური სტრატეგია, მოგვაკერა იარლიყები და შეშინებულები ჯერ გუშინ უნივერსიტეტიდან გაიქცნენ და მერე აქედან“, – აღნიშნა ლევან ლორთქიფანიძემ და აქვე დასძინა, რომ „ქართულ ოცნებას“ კონსტიტუციის შექმნის ლეგიტიმაცია არ გააჩნია.